Page d'Accueil

Ayeña Bongô a nga so mimbaan afan

   

A nga bo na, môt ve tabe. A nto mfañe nya môtô, te kômbô ke minneñe benya bôtô, ve vôm bongô b’ake, vôm ate a nye’e a kelek. Be kate jôô nye, be na,

« Nya môtô a nji yeñe minneñe mi bongô”,

Nnye teke wôk.

Nde môse wu ba be bongô be nga kôlô, a ke afane na, nde Ayeña Bongô a nga fam ôkon. A bômbô na, mbim. Bongô na,

“Nne bi aye bo aya ?”

Bana na,

« Mbeka’an ».

A ke sute mo na, be bete si, te ke abete. Bongô be ntele fe’e ne vema ! Be na,

 “Nge a boya adit ana, njiba’ane ba, a bo na, môt éziñ a be’e énam”,

Te fe fe’e ya ke loene benya bôtô ja. Nde be nga futi mo mefa, be nga ba Ayeña Bongô. A nto ve na, mongô ate a be’e nlô, nyô mbo’ abo, nyô mbo’o wo. Be nga kaban Ayeña Bongô binam. Nde be nga ke ja.

Akui ya jale na,

“A bongô, jé mi ate wôé ?”

Be na,

“Ke Ayeña Bongô a te wu, ane bi ate wô’ adite ya be’e, nde bi ate mane ba”.

Miñyôn mi kutan. Ane be nga nyoñ Ayeña Bongô, be nga jame nye afus.

Nde môt a wulu nsamba bongô, a ye tôban ve mame ya bongô, aval ane Ayeña Bongô a nga so mimbaan afan.

Ayeña bongô a bo ana.

 
 

Accueil Copyright © 2008-2011, Culture Vive