Page d'Accueil

Betit be nga bene di ésombo

   

A nga bo na, Nyô’ô ve sulane batiti ase, batiti a jaé ne lut ! Be na,

« Za a loen ? »

Nyô’ô na,

« Me m’aloene mia ».

Be na,

“A Nyô’ô, wo ô mbili fe za ajôô ?”

Nyô’ô na,

“Me se ke akut, me ne môt m’afase mam. M’ate jô mia na, mia batiti ase, mi awulu si, ane mi ayen anyeñ ésombo, mi ja’a de ».

Batiti na,

« Beza ?  Bi aye ke di ésombo ».

Nye na,

« M’ajô mia na, njaka’a ésombo, nge ésombo é yaé a bo élé, bi aye jañ été ».

Batiti na,

« Te ke’é ! Bi aye di ésombo, j’adañ ayô ».

Batiti a mane kôlô, a mialane mefane mefan. Nyô’ô na,

« M’aye ke tabe si, to’an m’awu zaé, me ne ve bitetek. Amu m’ate kôme yen abé e za’ak, zañ ésombo a bia ».

Ane ésombo é nga yaé, a fôlô abui abui. Ane bôt be nga tyi’i ngôs, a jalé minkoé. Be tiñe mevot, bôt be nga yene mevot abui. Ane be nga sulan abiôm, a ya betit. Betit be nga wu abui. Nde Nyô’ô a ke a jô yôpeyôpe di na,

“Me nga jô fo’ooo, me nga jô fo’ooo, njaka’a ésombo, mi te ke wôk. Esombo é nga wôé ke mia. Me nga jô fo’ooo !”

Ajô te Nyô’ô a ke a kobo yôpeyôpe di, te tabe si. Nde som a ne étyi, te wu avot.

 

 
 

Accueil Copyright © 2008-2011, Culture Vive