Page d'Accueil

Jôngôlô a nga wôé nyia étome ébole vio

   

A nga bo na, Jôngôlô ba nyia ve tabe. Môse wu, Jôngôlô a kôlô, a ke a wulu fefé, a zu koé na, beta ébame vio si. Ve a nga té vio. A té vio na, tañe minkoé mibaé. Nde a nga suane vie nlam. Ve loene nyia, nye na,

« Za’a to’é vio vi ».

Nde nyia a nga zu to’é vio. Nde a nga kui nda, ve dutu étañ, a nga nyoñe vio, a nguni’étañ. A nyoñe vi ôvo’o na, a nga bo a yamek. Vi ôse a nga beté étañ ô nga boé. A nga be’ele, ane ô nga mane kôt. Eyoñ a nga vaa, vio ve su’ulane na, biate bibaé.

Melu mebaé, Jôngôlô na,

“Tame me liti vio”.

Nyia ve nyoñe vie, a ve’e na, biate bibaé. Jôngôlô na,

« Vi ôvo’ô né ? »

Nyia  na,

« Ye ôfe ? Ke abime se fo’o di ».

Jôngôlô na,

“Nde fianga. Nguni’i me vio viame si”.

Nye na,

« A monam, ve w’ayeme na vio ô wô’ô kôt a boé. Ajô te vi asu’ulan abime di.

Nye na,

« Momo ! Ke’e me vio viam ».

Nyia na,

“Me nji fe bi ôfe”.

Jôngôlô ve yele ntum, a nga dume nyia tyiñ. Nyia mbim, kuta ! Ve be’e, a ke wua fé.

Melu mebaé, Jôngôlô ve beta lumbu, a zu koé na, ébane vio si. A nga té vio, a ka’a na, minkoé mibaé, ve lumbu ja. A nga nyoñe vio, a nga nguni étañ ; a nga yame ke vina mendim. A mane be’ele vio, melu mebaé, a ke ve’e vio na, biate minkôte bibaé. Jôngôlô na,

“E ! nde me nga kôsa wôé nanéé ! »

Ane a nga bôé ñyôn, nye na,

« Nge me yeme na, vio ô kôt, vio ô boé, ve me nji wôé nane wom étom ébole viooooooooo !

« Nge me nga yeme ve me nji ke wôé nane wom étom ébole viooooooooooo !

Ñyon ôte ñwo Jôngôlô a ke a yôn afan afan wu.

 
 
 

Accueil Copyright © 2007-2011, Culture Vive