Page d'Accueil

Ta Zibi

   

A nga bo na, Ze a nga jeñ ane a ye bi Zibi. Nde Ze ba Okpweñ be nga to ñgbwa. Ze na,

“A Okpweñ, m’ajeñe vôme ya bi Zibi”.

Okpweñ na,

“Ke ma me to nye ékoñolo yôp ».

Nye na,

« O za’a akiti mam me tyé ».

Bia tyé, nde Ze a nga so, ve koé Okpweñ, ane ba nye be nga lumbu, ve ke tabe ntyile Zibi. Mon étun a beme be na, Zibi a nga zu a kôbelan,

“Ngôñ, ngôñ, ngôñ !”.

Okpweñ a lô ane a zu, Ze ke a keya sobô mindi meseñ été. Ze na,

“O bo’o na, éyoñ a ye kui wo bebé, ô sili nye beta nsili. Nge a yalane wo, ô ta nye, ndemben a ye bo na, éyoñ a ye wo zu tôñ, éyoñ éte m’aye kui a bi nye”.

Eyoñ Zibi a nga kui Okpweñe bebé, Okpweñe na,

“A Zibi, ô soé ?”

Nye na,

« M’aso ja ».

Nye na,

« W’ake ke vé ? »

Nye na,

“M’ake mfa’ afan akôé li”.

Nye na,

“O ne ke aya mis ?”

Zibi na,

« Za avale minsili dili ? »

Nye na,

« Ye nsili w’abôbo ajô”.

Zibi na,

“O ne ajô”.

Nye na,

« Nge ô ne ajô, jô’ane w’ajô ».

Zibi na,

“Jé é bo Okpweñ ?”

Nye na,

“Amu w’abo ô tame me bo aya ? O ta mbôlé éwomewom asu a be’e, beta mimbô’ôlé mekan. Bo’o me jam w’akômbô me bo ».

Ve Zibi a ntele ne séé ! Zibi na,

« A Okpweñ, ndô’ôtô ta Zibi a ne ajô dina été. Tame wumesan ayo’o den. Liki’i, me keya ».

Ve Zibi a nga tyi’i ngoto’o nalé, kuum ! Afan akôé. Ane Ze a nga li’i ve fe’e fe’e ane a nga ye bi Zibi.

Ane Zibi a nga nyiñ amu fe’e jé.

 
 

Accueil Copyright © 2007-2011, Culture Vive