Page d'Accueil

Ze a nga kate bi Ngôm

   

A nga bo na, Ngôm ba ngale be to. Ze ve ko be woñ. Nde môs éziñ nnôm ngôm ve kôlô si, a ke dulu. A teme na, ba Ze be nga tôban. Ane Ze a nga sili nye na,

“A Ngômô, za avale môt e bili abui mekoñ abima wo va ! Nne w’ake vé ? »
Ngômô na,

« Ya, mekoñe  mame ma, mme fo’o m’awosane me. Me wôéya Mesoliti, a Melove’e, a Medumaki, a Mesolowoñ. Ake m’ake di, me nga ke m’atôñe Mekemeke”.

Nde Ze a nga jô nye na,

« Ya, kelek ».

Nye ve ke.

Etun é nga lôt, ane ngal Ngôm a nga so. Ayene Ze a nga yene ngal Ngôm, Ze a nga beta sili nye na,

“Za avale mekoñ mia fame jôé mi bili di ?”

Ngal Ngômô na,

« Ze a mba’ akut ! Ye mimvot ô be’e e mi ne mekoñ ? »

Ze na,

« Momo ».

Nye na,

« Ya, ke mimvot ô be’e e, mmie fe bi be’e mi”.

Ze na,

“Tame jibi ma, me tame bôlé ».

Nye na,

« Za’a bôlé ».

Ane Ze a nga zu bôlé. A ngenan a bôlé’é, ane a nga bi nye, ve wôé nye. Ayene Ze a nga beta yen nnôm, a nji fe beta ko nye woñ, ve bi, ve wôé nye.

Nalé Ze a nga vo Ngôm, amu ôyôme tyiñ ya nga.

 

 
 

Accueil Copyright © 2008-2011, Culture Vive